Բաշար Ասադին փորձել են թունավորել
Սիրիայի նախկին առաջնորդ Բաշար Ասադին փորձել են թունավորել Մոսկվա ժամանելուց հետո։ Այս մասին գրում է բրիտանական The Sun թերթը։
Պարբերականի պնդմամբ՝ թունավորման փորձը տեղի է ունեցել դեկտեմբերի վերջին։ Հոդվածում նշվում է, որ նախկին նախագահն իրեն վատ է զգացել և դիմել է բժշկական օգնության, այնուհետև նրա վիճակը կայունացել է: Թերթի տեղեկություններով՝ Ասադի օրգանիզմում թույնի հետքեր են հայտնաբերվել։
Ասադը Մոսկվա է ժամանել դեկտեմբերի 8-ի երեկոյան։ Նա լքել է Սիրիան այն բանից հետո, երբ իսլամիստական «Հայաթ Թահրիր աշ-Շամ» խմբավորման գրոհայինները վերահսկողության տակ են վերցրել Դամասկոսը։
