Բագրատաշենի անցակետում գտնվող պահեստում բռնկված հրդեհը մարվել է

ՆԳՆ Փրկարար ծառայությունից հաըտնում են, որ Բագրատաշենի անցակետում գտնվող պահեստում բռնկված հրդեհը մարվել է ժամը 16։18-ին։  ՆԳՆ Փրկարար ծառայությունից։

Հիշեցնենք՝ ավելի վաղ հայտնել էինք, որ ժամը 12։43-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ հրդեհ է բռնկվել Բագրատաշենի անցակետում գտնվող պահեստում։ 

Դեպքի վայր էին մեկնել ՆԳՆ ՓԾ մարզային փրկարարական վարչության օպերատիվ խումբը, հրշեջ-փրկարարական ջոկատից հինգ մարտական հաշվարկ, մեկ ջրատար, Պարեկային ծառայության կարգախմբեր։

Ըստ նախնական տվյալների՝ պահեստում այրվում էր պիրոտեխնիկա։

Հրդեհի հետևանքով տուժել է 3 անձ, որոնց տեղում փրկարարներն ու ոստիկանները ցույց են տվել առաջին օգնություն։ Նրանք տեղափոխվել են բժշկական կենտրոն։