Թրամփը դատարանին կոչ է արել հետաձգել TikTok-ի արգելքը ԱՄՆ-ում

ԱՄՆ նորընտիր նախագահ Դոնալդ Թրամփը մտադիր է փորձել քաղաքականապես կարգավորել չինական Տիկտոկ սոցցանցի նկատմամբ հավակնությունները: Նա Գերագույն դատարանին կոչ է արել դադարեցնել օրենքը, որի պատճառով սոցցանցը կարող է արգելվել ԱՄՆ-ում:

Վերջինս հարգանքով կոչ է անում, որ դատարանը քննարկի 2025 թվականի հունվարի 19-ին օտարման մասին օրենքի գործողության ժամկետը կասեցնելու հարցը այն ժամանակ, երբ այն քննում է գործն ըստ էության, ինչը նոր վարչակազմին հնարավորություն կտա հասնել այս դատավարության հարցերի քաղաքական կարգավորմանը։ Այս մասին ասվում է ընտրված նախագահի փաստաբան Ջոն Սաուերի հայտարարության մեջ:

Հիշեցնենք, որ TikTok-ը պատկանում է չինական ByteDance-ին: Ապրիլին նախագահ Ջո Բայդենը օրենք է ստորագրել, որի պատճառով սոցցանցը կարող է արգելափակվել հունվարի 19-ին՝ Դոնալդ Թրամփի երդմնակալությունից մեկ օր առաջ: