Պուտինը զանգահարել է Ալիևին և ներողություն խնդրել
Պուտինն ու Ալիևը հեռախոսով քննարկել են դեկտեմբերի 25-ին Ղազախստանում «Ադրբեջանական ավիաուղիների» ուղևորատար ինքնաթիռի կործանումը, հայտնել են Կրեմլում:
Զրույցը տեղի է ունեցել ռուսական կողմի նախաձեռնությամբ
Ռուսաստանի նախագահը ներողություն է խնդրել, որ ողբերգական միջադեպը տեղի է ունեցել Ռուսաստանի օդային տարածքում, խորը և անկեղծ ցավակցություն է հայտնել զոհվածների ընտանիքներին
Պուտինը նշել է, որ կործանված ինքնաթիռը բազմիցս փորձել է վայրէջք կատարել Գրոզնիում։
Ռուսաստանի Քննչական կոմիտեն քրեական գործ է հարուցել «երթևեկության անվտանգության և օդային տրանսպորտի շահագործման կանոնների խախտում» հոդվածով:
Կատարվում են նախնական քննչական գործողություններ, հարցաքննվում են քաղաքացիական և ռազմական մասնագետները:
