Գտնվել է ադրբեջանական կործանված ինքնաթիռի երկրորդ սև արկղը
Ակտաուի մերձակայքում ադրբեջանական Embraer 190 ինքնաթիռի կործանման վայրում երկրորդ սև արկղն է հայտնաբերվել։ Այս մասին ճեպազրույցում ասել է Մանգիստաու շրջանի տրանսպորտի դատախազ Աբիլայբեկ Օրդաբաևը, հայտնում է Informburo.kz պորտալը։
«Դեպքի վայրում հայտնաբերվել է երկու թռիչքի ինքնագրիչ»,- ասել է նա։
Դատախազը հավելեց, որ քննչական մարմինները հարցաքննում են տուժածներին, ցամաքային ծառայության աշխատակիցներին, ինչպես նաև պարզում են աղետի ականատեսներին։
Քննիչներն արդեն առգրավել են ռադիոխոսակցությունների ձայնագրությունները։
«Դեպքի վայրի զննություն, որը կազմում է մոտ 4 հազար կմ.մ գրեթե ավարտված: Այս տարածքի անվտանգությունը, բոլոր առարկաները և իրեղեն ապացույցները ապահովված են», - մանրամասնել է Օրդաբաևը։
