Նախագահից ոչ մի ազդակ չի եղել. Պեսկով
Ռուսաստանի նախագահ Վլադիմիր Պուտինի և ԱՄՆ–ի նորընտիր նախագահ Դոնալդ Թրամփի շփումների վերաբերյալ կոնկրետ ծրագրեր դեռևս չկան: «Life»–ի հետ զրույցում այս մասին ասել է Ռուսաստանի նախագահի մամուլի քարտուղար Դմիտրի Պեսկովը։
«ԱՄՆ ընտրված նախագահից ոչ մի ազդակ չի եղել։ Թրամփի երդմնակալությանը դեռ բավական երկար ժամանակ կա՝ ավելի քան երեք շաբաթ։ Առայժմ կոնկրետ ծրագրեր չկան», - ասել է Պեսկովը՝ պատասխանելով այն հարցին, թե հնարավոր է արդյոք, որ մինչև Նոր տարի Պուտինն ու Թրամփը զրուցեն հեռախոսով։
Ավելի վաղ Թրամփը հայտարարել էր, որ մտադիր է Ռուսաստանի նախագահ Վլադիմիր Պուտինի հետ երկխոսություն հաստատել ուկրաինական հակամարտության կարգավորմանը հասնելու նպատակով։
