Դա մենք դեռ կտեսնենք. Թրամփը՝ Պանամայի նախագահին

Պանամայի ջրանցքը չի վերադառնա ԱՄՆ-ի սեփականությանը, քանի որ այն պատկանում է բացառապես Պանամային: Այս մասին հայտարարել է երկրի նախագահ Խոսե Ռաուլ Մուլինոն։

ԱՄՆ նորընտիր նախագահ Դոնալդ Թրամփը հեգնանքով է արձագանքել այս հայտարարությանը` տեղադրելով Պանամայի ջրանցքի լուսանկարը` «Բարի գալուստ Միացյալ Նահանգների ջրանցք» մակագրությամբ:

«1977 թվականի Տորիխոս-Քարթերի պայմանագրերը նախատեսում էին նախկին ջրանցքի գոտու լուծարում, Պանամայի ինքնիշխանության ճանաչում և ջրանցքի ամբողջական փոխանցում Պանամային: Որպես նախագահ, ուզում եմ հստակ ասել, որ Պանամայի ջրանցքի և դրա հարակից գոտու յուրաքանչյուր քառակուսի մետրը Պանամային է և այդպես էլ կմնա: Մեր երկրի ինքնիշխանությունն ու անկախությունը սակարկելի չեն», - ասել է Մուլինոն՝ ընդգծելով, որ ջրանցքն իր երկրի պատմության անբաժանելի մասն է, և որ յուրաքանչյուր պանամացի «այն կրում է իր սրտում»:

«Դա մենք դեռ կտեսնենք», - արձագանքել է Թրամփը:

Հիշեցնենք, որ Թրամփը նախօրեին սպառնացել էր Պանամայի ջրանցքը վերադարձնել ԱՄՆ-ին: