Այստեղ բարդ իրավիճակ է ստեղծվել. Պեսկով

Ռուսաստանի նախագահ Վլադիմիր Պուտինը և Սլովակիայի վարչապետ Ռոբերտ Ֆիցոն Կրեմլում կայացած բանակցությունների ժամանակ քննարկել են երկկողմ հարաբերություններն ու էներգետիկային առնչվող հարցեր։ Այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։

«Երեկ կայացել են Պուտինի և Ֆիցոյի բանակցությունները: Խոսել են նաև էներգետիկայի, գազի հետ կապված հարցերի շուրջ։ Բավական հանգամանալից զրույց է եղել», – ասել է Պեսկովը լրագրողներին։

Սլովակիա էներգակիրների մատակարարման հարցը լրացուցիչ ուշադրություն է պահանջում, ասել է Դմիտրի Պեսկովը՝ պատասխանելով հարցին, թե Ռուսաստանը հնարավորություն ունի՞ շարունակել գազ մատակարարել Սլովակիա Ուկրաինայի հետ տարանցման պայմանագրի ժամկետի ավարտից հետո։

«Չէ՞ որ դուք լսել եք ուկրաինական կողմի հայտարարությունը և գիտեք այն եվրոպական երկրների դիրքորոշումները, որոնք շարունակում են ռուսական գազը գնել և որոնք դա անհրաժեշտ են համարում իրենց տնտեսությունների բնականոն գործունեության համար։ Այդ պատճառով այստեղ բարդ իրավիճակ է ստեղծվել, որը մեծ ուշադրություն է պահանջում»,– ասել է Պեսկովը։