Ովքեր են կանգնած Իգոր Կիրիլովի սպանության հետևում. մանրամասներ

ՌԴ ԶՈւ Քիմիական պաշտպանության գործարանի գեներալ-լեյտենանտ Իգոր Կիրիլովը սպանվել է ուկրաինական հատուկ ծառայությունների գործողության արդյունքում։ «ՌԻԱ նովոստի»,-ն գրել է, որ նման պնդում է արել Reuters-ը՝ հղում անելով SBU-ի աղբյուրին։

«Ուկրաինայի անվտանգության ծառայությունը Մոսկվայում հատուկ գործողության շրջանակում սպանել է ռուս գեներալ Կիրիլովին»,-գրում է գործակալությունը։

Դեկտեմբերի 17-ի առավոտյան Մոսկվայի Ռյազանսկի պողոտայում պայթուցիկ սարքը գործի է դրվել տան մուտքի մոտ կանգնած սկուտերում։ Սպանվել են ՌԴ ԶՈւ ՃՔԿՊ զորքերի պետ, գեներալ-լեյտենանտ Իգոր Կիրիլովը և նրա օգնականը։

«Գազետա ռու»-ն էլ, հղում անելով Baza Telegram ալիքին, գրել է, թե Ռուսական բանակի գեներալ-լեյտենանտ Իգոր Կիրիլովին կարող էին հետևել դիմացի վարձակալած բնակարանից։

Ահաբեկչության ժամանակ զոհված ՌԴ ԶՈւ պաշտպանության զորքերի ղեկավար, գեներալ-լեյտենանտ Իգոր Կիրիլովը իսկական ռուս հայրենասեր էր: Այս մասին հայտնել է ՌԴ Անվտանգության խորհրդի փոխնախագահ Դմիտրի Մեդվեդևը։

Նա նաև Կիրիլովի դեմ իրականացված ահաբեկչությունն անվանել է «Բանդերայի ռեժիմի տառապանքը» և խոստացել «անխուսափելի հատուցում» Ուկրաինայի բարձրագույն ռազմաքաղաքական ղեկավարությանը։