ԱՄՆ-ն անմիջականորեն շփվել է սիրիացի ապստամբների ղեկավարության հետ. Բլինքեն
Բլինքենը պնդում է, որ ԱՄՆ-ն անմիջականորեն շփվել է սիրիացի ապստամբների ղեկավարության հետ:
ԱՄՆ-ն ուղիղ բանակցություններ է վարել Սիրիայում իշխանությունը զավթած ապստամբ խմբավորման հետ, Հորդանանում հայտարարել Է պետքարտուղարը՝ ավարտելով մերձավորարևելյան այցը, որը նվիրված էր Բաշար Ասադի ռեժիմի անկումից հետո հետագա գործողություններին:
Բլինքենը նաև նշել Է պատժամիջոցների մեղմացման հեռանկարը՝ ասելով, որ ԱՄՆ-ն «կքննարկի տարբեր պատժամիջոցներ և մեր կողմից ձեռնարկված այլ միջոցներ և կպատասխանի դրանց», եթե Սիրիայում Ասադի ռեժիմի անկումից հետո անցումային շրջանը համապատասխանի ԱՄՆ-ի կողմից սահմանված նպատակներին:
Բլինքենի խոսքով՝ ամերիկացի պաշտոնյաներն ուղղակիորեն շփվել են «Հայաթ Թահրիր աշ-Շամի» և այլ խմբերի հետ մի շարք սկզբունքների շուրջ, որոնցով ԱՄՆ-ն և արաբ գործընկերները ցանկանում են առաջնորդվել Սիրիայում քաղաքական բարեփոխումների գործընթացում:
