Չէ որ դա հնարավոր է․ Մեդվեդևը՝ Ռուսաստանի կազմում նոր շրջանների հայտնվելու մասին

ՌԴ անվտանգության խորհրդի փոխնախագահ, «Եդինայա Ռոսիա» կուսակցության նախագահ Դմիտրի Մեդվեդևը, «Եդինայա Ռոսիայի» XXII համագումարի լիագումար նիստում ասել է այն մասին, որ հնարավոր է համարում Ռուսաստանի կազմում նոր շրջանների հայտնվելը: 

«Ի դեպ, Դոնբասի և Նովոռոսիայի ինտեգրման փորձը կարող է հետագայում ևս պահանջված լինել, եթե մեր երկրի կազմում հայտնվեն նոր, բայց շատ մոտ շրջաններ։ Չէ՞ որ դա հնարավոր է», - ասել է նա՝ խոսելով կուսակցության «Նոր շրջանների զարգացում» ազգային ծրագրի մասին։

Մեդվեդևը նաև ընդգծել է Ռուսաստանի թշնամիների դեմ վճռական գործողությունների և հասարակության միասնության պահպանման անհրաժեշտությունը:

«Մենք պետք է պահպանենք մեր պապերի ու նախապապերի սխրանքը, շարունակենք նրանց գործը՝ ոչնչացնել թշնամուն՝ առանց ռևանշի չնչին հնարավորության»,- հայտարարել է նա:

«Եդինայա Ռոսիայի» առաջնորդը ուշադրությունը կենտրոնացրել է ռուսական հասարակությանը պառակտելու փորձերի սպառնալիքների վրա։