12 մարդու դի է գտնվել Վրաստանի հնդկական ռեստորաններից մեկում

Վրաստանի Գուդարի բարձր լեռնային հանգստավայրում գտնվել է 12 մարդու դի։ Այս մասին գրում են վրացական ԶԼՄ-ները` հղում տալով երկրի ՆԳՆ հաղորդագրությանը։

Նշվում է, որ դեպքը տեղի է ունեցել հնդկական ռեստորանում, մահացածներից 11-ը Հնդկաստանի քաղաքացիներ են, մեկը՝ Վրաստանի։

Հայտնի է, որ նրանք աշխատել են նշված հաստատությունում և բնակվել նույն շինության երկրորդ հարկում։

Նախնական տեղեկություններով` մահվան պատճառ է դարձել  դժբախտ պատահարը։ Դիերի վրա բռնության հետքեր չեն եղել։ Մահվան ստույգ պատճառը պարզելու համար նշանակվել է դատաբժշկական փորձաքննություն։