ՏԵՍԱՆՅՈՒԹ. 11 զոհ, 60 վիրավոր՝ Գերմանիայում Սուրբծննդյան տոնավաճառում տեղի ունեցած վրաերթի հետևանքով
Գերմանիայի Մագդեբուրգ քաղաքի Սուրբ Ծննդյան տոնավաճառում մեքենան մխրճվել է ամբոխի մեջ, հայտնում է NTV հեռուստաալիքը՝ վկայակոչելով Սաքսոնիա-Անհալթ դաշնային նահանգի իշխանություններին։
«Մագդեբուրգի Սուրբ Ծննդյան տոնավաճառում ավտոմեքենայի վարորդը մխրճվել է ամբոխի մեջ»,– նշում են ԶԼՄ–ները:
T-online պորտալի տվյալներով՝ զոհվել է 11 մարդ, ևս 60-ը՝ վիրավորվել։ Միաժամանակ, ըստ լրատվամիջոցների, վրաերթն իրականացրել են երկու ավտոմեքենաներ։
Նահանգի կառավարությունը տեղի ունեցածը որակել է որպես ահաբեկչություն։
