Իտալական ակումբը բանակցում է Սպերցյանի գործակալի հետ

Ֆուտբոլ Հայաստանի ազգային հավաքականի և «Կրասնոդարի» կիսապաշտպան Էդուարդ Սպերցյանը կարող է կարիերան շարունակել Իտալիայում: Նրա ծառայություններով հետաքրարված է «Ատալանտան»,- հայտնում են ռուսական ԶԼՄ-ները:

24-ամյա ֆուտբոլիստի գործակալ Ռաֆաելա Պյեմենտան վերջերս հանդիպել է Բերգամոն ներկայացնող ակումբի ղեկավարների հետ։ Կողմերը Սպերցյանի հավանական տեղափոխության հարցում բանակցություններ են վարել։

Հայ ֆուտբոլիստի տեղափոխությունն իտալական ակումբ 2025 թ. ձմռանը քիչ հավանական է, սակայն «Ատալանտան» մրցաշրջանի երկրորդ հատվածում շարունակելու է ուսումնասիրել Սպերցյանի խաղն ու նրա ապագայի վերաբերյալ որոշում կկայացնի ամռանը։