Հայաստանի անփառունակ հակառեկորդը
Ֆուտբոլի Հայաստանի ազգային հավաքականը երեկ անփառունակ հակառեկորդ սահմանեց Ազգերի լիգայի խաղարկության խմբային փուլում Երևանում 0:1 հաշվով զիջելով Ֆարերյան կղզիներին: Մասնավորապես, սա մեր ընտրանու երրրորդ պարտությունն էր գաճաճ պետությունների հավաքականների դեմ մրցավեճերում: 2013 թվականի հունիսի 7-ին Հայաստանի հավաքականը աշխարհի առաջնության ընտրական փուլի շրջանակներում Երևանում 0:1 հաշվով զիջել էր Մալթային, իսկ 2018 թվականի հոկտեմբերի 14-ին` նույն հաշով Ջիբրալթարին:
Ուշագրավ է, որ մեր հավաքականը գաճաճ պետությունների հավաքականներից բոլոր պարտությունները կրել է Երևանում` նույն 0:1 հաշվով: Ի դեպ, աշխարհում գոյություն չունի գեթ մեկ հավաքական, որին «հաջողվել է» պարտվել Մալթային, Ջիբրալթարին և Ֆարերյան կղզիներին:
