Լիբանանից 200 հրթիռ՝ Իսրայելի ուղղությամբ․ կան տուժածներ

Լիբանանյան շիական «Հըզբոլլահ» շարժումն այսօր առավոտից Իսրայելի տարբեր շրջանների ուղղությամբ արձակել է 200 հրթիռ, կան տուժածներ։ Այս մասին հայտնել է Իսրայելի պաշտպանության բանակի մամուլի ծառայության ներկայացուցիչը:

«Առավոտից Լիբանանի տարածքից Իսրայելի ուղղությամբ արձակվել է մոտ 200 հրթիռ, կրակոցները շարունակվում են։ Տարբեր քաղաքներում վիրավորների մասին տեղեկություններ են ստացվում, բարեբախտաբար, ոչ ոք չի զոհվել», - հայտնել է բանակի ներկայացուցիչը։

Նշվում է, որ 2023 թվականի հոկտեմբերից «Հըզբոլլահը» Իսրայելի ուղղությամբ արձակել է ավելի քան 16 հազար արկ, հրթիռ և անօդաչու թռչող սարք: