Զինյալները փակել են առանցքային ճանապարհ, հարյուրավոր զոհեր կան․ իրավիճակը՝ Սիրիայում

Ջիհադիստ գրոհայինները հարձակման ընթացքում փակել են Դամասկոսի և Հալեպի միջև ընկած ճանապարհը, որի հետևանքով, դիտորդների տվյալներով, զոհվել է մոտ 200 մարդ։ Այս մասին հաղորդում է Agence France-Presse-ը:

Չորեքշաբթի օրը «Հայաթ Թահրիր աշ-Շամ» ջիհադական խմբավորումը եւ դաշնակից խմբավորումները հարձակում են ձեռնարկել Հալեպի հյուսիսային նահանգի՝ կառավարության կողմից վերահսկվող շրջանների վրա, ինչը վերջին տարիների ամենադաժան մարտերի պատճառ է դարձել, այս մասին էլ հայտնել է Մարդու իրավունքների սիրիական դիտորդական կենտրոնը։

Շարունակվող մարտերում զոհվածների թիվը հասել է 182-ի:

Սիրիան արդեն ավելի քան տասը տարի քաղաքացիական պատերազմի մեջ է, չնայած վերջին տարիներին հակամարտության ինտենսիվությունը նվազել է:

Բախումները տեղի են ունենում Իդլիբ և Հալեպ Նահանգներին սահմանակից շրջանում, որոնց մի մասը գտնվում է Հալեպ քաղաքի ծայրամասերից 6 մղոն (10 կմ) հարավ-արևմուտք:

Մոհամմեդ Բաշիրը, որը գլխավորում է այսպես կոչված «փրկության կառավարությունը», մամուլի ասուլիսի ժամանակ հայտարարել է. «այս գործողության նպատակն է ճակատային գծից հետ մղել հանցագործ թշնամու կրակի աղբյուրները»:

Anadolu-ի փոխանցմամբ՝ ընդդիմությունը վերահսկողության տակ է վերցրել 56 գյուղ և այլ օբյեկտներ, 400 քառակուսի կմ տարածք Հալեպ և Իդլիբ նահանգներում։ Գրավել են նաև ծանր զենքեր, մեքենաներ և պահեստներ։