ՏԵՍԱՆՅՈՒԹ. ԱՄՆ-ն հակադարձել է Զելենսկու հայտարարությանը
ԱՄՆ վարչակազմի աղբյուրները չեն հաստատում, որ արձակված հրթիռը միջմայրցամաքային է եղել։ BBC-ն և CBS-ը զրուցել են երկու ամերիկացի պաշտոնյաների հետ, թե արդյոք Ռուսաստանը իրականում օգտագործել է միջմայրցամաքային բալիստիկ հրթիռ Ուկրաինայի դեմ:
Ուկրաինացի պաշտոնյաները հայտարարել են Դնեպրին միջմայրցամաքային բալիստիկ հրթիռով հարվածների մասին: Ուկրաինայի նախագահ Վլադիմիր Զելենսկին ասել է, որ այս եզրակացությունը հիմնված է հրթիռի դիտարկված բնութագրերի վրա, սակայն փորձաքննությունը դեռ շարունակվում է։ Մոսկվան չի մեկնաբանում այս հայտարարությունները։
Վարչակազմի երկու աղբյուրներն էլ համաձայնել են խոսել անանունության պայմանով: Ըստ նրանց՝ հրթիռն իսկապես բալիստիկ է, բայց ոչ միջմայրցամաքային։ Զրուցակիցներից մեկն ասել է, որ դա միջին հեռահարության հրթիռ է։
Ավելի վաղ հայտնել էինք, որ Ռուսաստանը միջմայրցամաքային բալիստիկ հրթիռով հարվածել է Ուկրաինային: Հրթիռը արձակել են Աստրախանի մարզից:
