ՏԵՍԱՆՅՈՒԹ. Լավրովն արձագանքել է Բրյանսկի շրջանում ATACMS հրթիռների հարձակումներին
Բրյանսկի շրջանի տարածքում ամերիկյան ATACMS հրթիռներով Ուկրաինայի զինված ուժերի հարձակումը նշան է, որ արևմտյան երկրները ցանկանում են սրել ուկրաինական հակամարտությունը։ Այս մասին հայտարարել է ՌԴ ԱԳ նախարար Սերգեյ Լավրովը։
«ATACMS հրթիռներով Բրյանսկի շրջանին հարվածներն ազդանշան են, որ Արևմուտքը ցանկանում է էսկալացիա»,- ասել է Լավրովը Ռիո դե Ժանեյրոյում G20-ի շրջանակում կայացած մամուլի ասուլիսի ժամանակ։
Ավելի վաղ հայտնել էինք, որ նոյեմբերի 19-ի գիշերը Ուկրաինայի Զինված ուժերն առաջին անգամ հրթիռային հարված են հասցրել Ռուսաստանի Դաշնության տարածքում գտնվող ռազմական օբյեկտին։
