ՏԵՍԱՆՅՈՒԹ. Խոշոր սկանդալ. Կոսովոյի հավաքականը լքեց խաղադաշտը
Ռումինիայի եւ Կոսովոյի հավաքականների միջեւ ՈւԵՖԱ-ի Ազգերի լիգայի C դիվիզիոնի հանդիպումն ընդհատվել է, այն չի ավարտվել նախատեսված ժամկետներում։ Հյուր թիմը լքել է խաղադաշտը մինչ հանդիպման մրցավարի սուլիչի եզրափակիչ սուլոցը։
Խաղի վերջին րոպեին Կոսովոյի հավաքականի ֆուտբոլիստները լքել են խաղադաշտը՝ լսելով իրենց երկրի հասցեին վիրավորական վանկարկումներ, «Կոսովոն Սերբիա է», և տեսնելով դրոշը, որը զայրացրել է նրանց: Կոսովոյի հավաքականի պաշտպան Դելովան հանդիսատեսին ցույց է տվել երկգլխանի արծվի նշանը (Կոսովոյի և Ալբանիայի խորհրդանիշը), հավանաբար ի պատասխան Սերբիայի մասին վանկարկումներին։
Ավելի քան մեկ ժամ կողմերը փորձել են համաձայնության գալ, սակայն Կոսովոն այդպես էլ խաղադաշտ չի վերադարձել, որպեսզի ավարտին հասցնի խաղի մնացած րոպեն: Գլխավոր մրցավարը եզրափակիչ սուլիչ է տվել այն բանից անմիջապես հետո, երբ խաղը պաշտոնապես վերսկսվել է, ընդ որում խաղադաշտում մնացել է միայն ռումինական թիմը։
Սպասվում է, որ հանդիպման ճակատագրի վերաբերյալ որոշում կկայացվի ավելի ուշ: Կոսովոյի ֆուտբոլի ֆեդերացիայի հայտարարության համաձայն, Ռումինիայի տեխնիկական պարտությունը կպարգեւատրվի միայն ռասիստական վարքի հաստատման դեպքում:
Եթե ՈւԵՖԱ-ն տեխնիկական հաղթանակ շնորհի Կոսովոյի հավաքականին՝ 3:0 հաշվով, թիմը կզբաղեցնի առաջին տեղը խմբում և կբարձրանա B լիգա։
Նշենք, որ Լիգա C-ի 2-րդ խմբում միմյանց էին հանդիպել առաջին և երկրորդ հորիզոնականները զբաղեցնող հավաքականները․ Ռումինիան մինչ այդ հաղթել էր բոլոր խաղերում, իսկ Կոսովոն հետ էր մնում առաջատարից 2 միավորով։ 90 րոպեների ընթացքում երկու թիմերն էլ չկարողացան գոլ խփել․ այս արդյունքը ձեռնտու էր Ռումինիային, քանի որ թույլ էր տալիս խմբում ժամանակից շուտ հաղթանակ տանել։
Հավելենք, որ այս թիմերի միջև առաջին հանդիպումը նույնպես սկանդալ էր առաջացրել խաղից հետո ստեղծված իրավիճակի պատճառով: Կոսովոյի հավաքականի երեք ֆուտբոլիստներ՝ Արիանեթ Մուրիչը, Էդոն Ժեգրովան և Ֆլորենտ Մուսլիան, լքել են թիմը թիմային կանոնները խախտելու պատճառով: Դրանից հետո ֆուտբոլիստներից մեկը հայտնել Է Կոսովոյի ֆուտբոլի ֆեդերացիայի նախագահ Ագիմ Ադեմիից ստացված սպառնալիքների մասին:
Հիշեցնենք, որ Կոսովոն համարվում է մասնակի ճանաչված պետություն։ Սերբիան այն երկրների թվում է, որոնք Կոսովոյի անկախությունը չեն ճանաչում։ 2008 թվականին Կոսովոյի խորհրդարանը միակողմանիորեն հռչակեց Կոսովոյի անկախությունը։ Մինչ օրս բալկանյան երկու երկրների միջև հարաբերությունները մնում են լարված։
