ՏԵՍԱՆՅՈՒԹ. Հայաստանի հավաքականին ճանապարհեցին սուլոցներով

ՀՖՖ նախագահ Արմեն Մելիքբեկյանի հրաժարականը պահանջող երկրպագուները` ի նշան բողոքի մեջքով շրջվեցին, այնուհետև սուլոցներով ճանապարհեցին Ֆարերյան կղզիներից խայտառակ պատմություն կրած Հայաստանի հավաքականին։

Հայաստանի հավաքականը ցավալի պարտություն կրեց Ֆարերյան կղզիների ընտրանուց։ Սուրեն Չախալյանի գլխավորած թիմը գնդակ բաց թողեց առաջին խաղակեսի միջնամասում։

33-րդ րոպեին նշանակված 11 մետրանոցն անվրեպ իրացրեց մրցակցի ավագ Վիլջորմուր Դավիդսենը։

Ընդհանուր առմամբ, Հայաստանի հավաքականը կատարեց 27 հարված, որից դիպուկ էր 9-ը։ Հայաստանի հավաքականն այս պարտությունից հետո վաստակած 4 միավորով զբաղեցնում է մրցաշարային աղյուսակի 3-րդ հորիզոնականը։

Խաղարկության վերջին հանդիպումը կկայանա նոյեմբերի 17-ին, իսկ մրցակիցը կլինի Լատվիայի հավաքականը։