Իրանը միջուկային զենք չի ստեղծել և չի ստեղծի. Փեզեշքիան

Իրանը միջուկային զենք չի ստեղծել և չի ստեղծի: Այս մասին ԱԷՄԳ-ի ղեկավար Ռաֆայել Գրոսիի հետ բանակցությունների ժամանակ հայտարարել է Իրանի նախագահ Մասուդ Փեզեշքիանը։

«Մենք պատրաստ ենք համագործակցել ու մերձենալ միջազգային այս կառույցի հետ, որ լուծենք ենթադրյալ խնդիրները և փարատենք մեր երկրի խաղաղ միջուկային գործունեության վերաբերյալ կասկածները»,- ասել է Փեզեշքիանը:

Ավելի վաղ հայտնել էինք, որ Ատոմային էներգիայի միջազգային գործակալության (ՄԱԳԱՏԷ) ղեկավար Ռաֆայել Գրոսսին Թեհրան կատարելիք այցից առաջ հայտարարել է իրանական միջուկային ծրագրի շուրջ ստեղծված իրավիճակը դիվանագիտական ​​ճանապարհով կարգավորելու ուղիներ գտնելու անհրաժեշտության մասին։