Ինչ է կատարվում Լարսում. հարյուրավոր հայկական բեռնատարներ հերթի մեջ են

Ռուս-վրացական սահմանի «Վերին Լարս» անցակետն անցնելու համար էլեկտրոնային հերթում սպասում է 583 հայկական բեռնատար։ Նրանց թիվը նախորդ օրվա համեատ նվազել է 17-ով։ Այս մասին Sputnik-ը տեղեկացել է Հյուսիսային Օսեթիայի ճանապարհային երթևեկության կազմակերպման կենտրոնից։

Նոյեմբերի 9-ին հայտնել էին, որ էլեկտրոնային հերթում 1890 բեռնատար կա, որոնցից 600-ը հայկական համարանիշներով են։

Ընդհանուր առմամբ, տարբեր երկրներից 1901 տրանսպորտային միջոց է սպասում «Վերին Լարս» անցակետը հատելուն:

Բեռնատարների կուտակումները կապված են Մցխեթա-Ստեփանծմինդա-Լարս միջազգային նշանակության ավտոմոբիլային ճանապարհի Գուդաուրի-Կոբի հատվածում եղանակային պայմանների վատթարացման հետ: