Հայերը պետք է հրաժարվեն դրանից, քանի դեռ ուշ չէ. Ալիև

Հայաստանը «պետք» է հրաժարվի զինվելու քաղաքականությունից, սրան «պետք» է վերջ տալ. այս մասին հայտարարել է Ադրբեջանի նախագահ Իլհամ Ալիևը:

«Այս մասին ես բազմիցս խոսել եմ։ Նրանք պետք է հրաժարվեն դրանից, քանի դեռ ուշ չէ: Նրանք երբեք չեն կարողանա մրցել մեզ հետ։ Մենք պատերազմ չենք ուզում: Մենք հասանք մեր ուզածին, ապահովեցինք մեր տարածքային ամբողջականությունն ու պետական ինքնիշխանությունը», - ասել է Ադրբեջանի նախագահը։

Ալիևի պնդմամբ՝ «որոշ արևմտյան երկրներ Երևանին դրդում են նոր պատերազմի, ինչը աղետ կլինի Հայաստանի համար»: