Արգանդի բացակայություն, ամորձիներ. հրապարակվել է Իման Խելիֆի բժշկական եզրակացությունը
Le Correspondant-ը բժշկական եզրակացություն է ներկայացրել 2024 թվականի Օլիմպիական խաղերի ոսկե մեդալակիր Իման Խելիֆի մոտ արգանդի բացակայության և ամորձիների առկայության մասին, գրում է МАТЧ ТВ-ն։
Նյութում նշվում է, որ լրագրողներին հասանելի են դարձել Խելիֆի բժշկական քարտերը, որոնցում առկա են տվյալներ Ալժիրի և Փարիզի հիվանդանոցներից:
Մասնավորապես, կոնքի ՄՌՏ-ի արդյունքները ցույց են տալիս, որ մարզիկը չունի արգանդ կամ ձվարաններ, կան սեռական գեղձեր (ամորձիներ) և «միկրոպենիս»:
Մեկ այլ թեստ հաստատել է, որ Խելիֆը կրում է 46,XY նորմալ արական կարիոտիպ: Հորմոնալ հետազոտությունը ցույց է տվել, որ «տղամարդկանց տեստոստերոնի տիպիկ մակարդակը 14,7 նմոլ/լ է, մինչդեռ կանանց մոտ տեստոստերոնի առավելագույն մակարդակը մի քանի անգամ ցածր է:
Ըստ հրապարակման, ՄՕԿ-ի ալժիրցի անդամ Մուստաֆա Բերրաֆն օգտագործել է իր կապերը և նպաստել, որ Խելիֆը թույլ տրվի խաղերին։
2024 թվականին Փարիզում կայացած Օլիմպիական խաղերի ընթացքում Իման Խելիֆը ոսկի է նվաճել մինչև 66 կգ քաշային կարգում։
2023 թվականին բռնցքամարտի միջազգային ասոցիացիան Խելիֆին թույլ չի տվել մասնակցել Հնդկաստանում կայանալիք աշխարհի առաջնությանը՝ անհրաժեշտ չափանիշներին չհամապատասխանելու պատճառով: Գենդերային թեստի արդյունքում ապացուցվել է, որ մարզուհին ունի XY քրոմոսոմներ։ 2024 թվականի խաղերում Խելիֆի ելույթը լայն հասարակական դժգոհություն առաջացրեց։
