Թուրքիայի ներքին գործերի նախարար Ալի Երլիկայան հայտարարել է, որ 5,9 մագնիտուդ ուժգնությամբ երկրաշարժի հետևանքով 3 շենք մասամբ փլուզվել է, զոհեր չկան:

«Մալաթիայում տեղի ունեցած 5,9 մագնիտուդ ուժգնությամբ երկրաշարժից հետո AFAD-ը (արտակարգ իրավիճակների վարչությունը) և մեր համապատասխան հաստատությունները շարունակում են ուսումնասիրել իրավիճակը Մալաթիա, Դիարբեքիր, Շանլըուրֆա, Էլազիգ, Բաթման և Թունջելի նահանգներում։ Մասնակի փլուզում է տեղի ունեցել ընդհանուր առմամբ երեք շենքերում՝ Մալաթիայում, Շանլըուրֆայում և Էլյազիգում», - գրել է նախարարն X սոցիալական կայքում:

Նա նաև հայտարարել է, որ շտապ օգնության թեժ գծին ստացվել է «374 զանգ և հաղորդագրություն, որից 341 -ը՝ իրավիճակի մասին ծանուցող, իսկ 33-ը՝ օգնության խնդրանքով»:

Գլխավոր լուսանկարն՝ արխիվից։