Հանրահայտ մասնագետի հայ օգնականը ցանկանում է գլխավորել Հայաստանի ազգային հավաքականը. Մելիքսեթյան

Ֆուտբոլային մեկնաբան, ինսայդեր Սուրեն Մելիքսեթյանը ֆեյսբուքյան իր էջում տեղեկություն է հրապարակել Հայաստանի ազգային հավաքականի գլխավոր մարզչի հավանական թեկնածուի վերաբերյալ.

«Մեր հայրենակից Մարգար Աղաջանյանի հետ այս պահին բանակցությունների մեջ են Զիմբաբվեի ֆուտբոլի ֆեդերացիան, Իրանի ֆուտբոլի ֆեդերացիան «Ալ Քուվեյթ» և «Ալ Տադհամոն» ակումբները:

Աղաջանյանը կարող է գլխավորել Զիմբաբվեի ազգային հավաքականը, Իրանի Օլիմպիական հավաքականը, կամ վերոնշյալ ակումբներից մեկը:

Սակայն, իմ տեղեկություններով 59-ամյա մասնագետը ցանկություն ունի աշխատել նաև Հայաստանի ազգային հավաքականում, հաշվի առնելով, որ մեր հավաքականն այս պահին գլխավոր մարզիչ չունի:

Մարգար Աղաջանյանը երկար տարիներ եղել է Իրանի ազգային հավաքականի մարզչական շտաբում, որը գլխավորում էր հանրահայտ Կառլուշ Կեյրուշը: Իրանի հավաքականի հետ մասնակցել է 2014 և 2018 թվականների աշխարհի առաջնություններին, գլխավորել է Իրանի Օլիմպիական հավաքականը և տարբեր իրանական ակումբներ»,- գրել է Մելիքսեթյանը: