«Փառահեղ» խայտառակություն. ինչու է լռում ՀՖՖ-ն
Ֆուտբոլի Եվրոպայի առաջնության ընտրական փուլի վերջին տուրում Հայաստանի երիտասարդական հավաքականը հյուրըկալվելիս 1:0 հաշվով զիջեց Ալբանիային:
Այսպիսով, ընտրական շրջափուլի 10 խաղում Հայաստանի հավաքականը չտանելով ոչ մի հաղթանակ, կրեց 8 պարտություն, գրանցեց 2 ոչ-ոքի և 2 միավորով եզրափակեց մրցաշարային աղյուսակը: 10 խաղում Հայաստանի երիտասարդական հավաքականին հաջողեց խփել ընդամենը երկու գնդակ, բաց թողնելով 21-ը: Գրանցված արդյունքը կարելի է նկարագրել թերևս այսպես` «փառահեղ» խայտառակություն:
Օրեր առաջ, երբ Հայաստանի ազգային հավաքականը Ազգերի լիգայի խմբային փուլում 0:2 հաշվով զիջեց Հյուսիսային Մակեդոնիային, ֆուտբոլի ֆեդերացիան ահապաղ պաշտոնանկ արեց ուկրաինացի մասնագետ Ալեքսանդր Պետրակովին վերջինիս համարելով անհաջողության մեղավորն ու պատասխանատուն: Երիտասարդական հավաքականի խայտառակությունից հետո ՀՖՖ-ն լռում է:
Այս դեպքում երևի թե ավելի դժվար է մեղավոր գտնելը: Ցավոք, վերջին տարիներին խայտառակ պատկեր է Հայաստանի բոլոր տարիքային հավաքականում: Այս դեպքում մեղավորը և պատասխանատուն ոչ թե Պետրակովն ու մյուս մարզիչներն են, այլ ֆուտբոլային համակարգը, որը տանում է դեպի անդունդ:
