Պենտագոնը հաստատել է Բայդենի որոշումը. ինչ են ուղարկելու Իսրայելին` ամերիկացի զինվորների հետ միասին
ԱՄՆ պաշտպանության նախարարությունը, ԱՄՆ նախագահ Ջո Բայդենի հրամանով, Իսրայել կուղարկի THAAD հակաօդային պաշտպանության մարտկոց՝ ամերիկացի զինվորականների հետ միասին՝ դրա պահպանման և օգտագործման համար, հայտնել են Պենտագոնից։
«Նախագահի հանձնարարությամբ պաշտպանության նախարար Լլոյդ Օսթինը թույլատրել է THAAD մարտկոցը և ԱՄՆ ռազմական թիմը տեղակայել Իսրայել՝ օգնելու և ամրապնդելու հակաօդային պաշտպանությունը», - ասվում է գերատեսչության տարածած հաղորդագրությունում:
Պենտագոնը նշել է, որ որոշումը Իրանի կողմից Իսրայելի վրա վերջին հրթիռային հարձակումների հետևանք է։
