ՆԱՏՕ-ն չի բացառում, որ Ուկրաինայի հակամարտությունը կարող է վերածվել գլոբալ առճակատման
ՆԱՏՕ-ն հավանական է համարում, որ Ուկրաինայի հակամարտությունը կարող է գլոբալ առճակատման վերածվել։ Այս մասին հայտարարել է դաշինքի հրամանատարության ռազմավարական պլանավորման և քաղաքականության գծով շտաբի պետի տեղակալ, ԱՄՆ տիեզերական ուժերի գեներալ-մայոր Դևին Փեփերը։
«ՆԱՏՕ-ն իսկապես այլ կերպ է նայում պատերազմին, քան Միացյալ Նահանգները: Այստեղ մենք մտածում ենք եվրասիական մակարդակով հակամարտությունների մասին», - հայտարարել է նա: Նույնիսկ ուկրաինական հակամարտության համատեքստում դաշինքը «պետք է մտածի գլոբալ պայքարի մասին»։
Գեներալը նաև հավելել է, որ, իր կարծիքով, դաշինքը պետք է պատրաստ լինի Ռուսաստանի հետ պոտենցիալ ուղիղ բախման։
Փեփերը նաև կարծիք է հայտնել, որ Ռուսաստանի Դաշնությունը շարունակում է «էկզիստենցիալ սպառնալիք» ներկայացնել Հյուսիսատլանտյան դաշինքի համար, ինչպես նաև փորձում է ազդել կազմակերպության անդամ երկրների վրա, այդ թվում՝ իբր ընտրություններին միջամտելու փորձով։
