Ռուսաստանը «Շահեդ կամիկաձե» անօդաչու սարքերը համալրել է Starlink արբանյակային կապով։ Այսպիսով, ՌԴ–ն կկարողանա անօդաչու սարքեր օգտագործել հետախուզության համար։ Այս մասին գրում է РБК-Украина–ն՝ հղում անելով Defense Express-ին և Telegram-ում ապատեղեկատվության դեմ պայքարի կենտրոնի ղեկավար Անդրեյ Կովալենկոյին։

Հրատարակությունը պնդում է, որ անօդաչու թռչող սարքերից մեկը, որն այս գիշեր ՌԴ–ն արձակել է Ուկրաինայի տարածքով, հագեցած է եղել Stralink-ով։ Այն խոցել են ուկրաինացի զինվորները։

Լրագրողները ցուցադրել են համապատասխան լուսանկարներ, որոնցում երևում է արբանյակային ալեհավաք։ Դրա վրա կա սերիական համար, որը կօգնի հետևել, թե ինչպես է տերմինալը հասել Ռուսաստան:

«Սա անօդաչու թռչող սարքից հետադարձ կապ ստանալու և նրանից տեղեկատվություն փոխանցելու և թռիչքի առաքելությունը ցանկացած հեռավորության վրա փոխելու հնարավորության միջոց է։ Այսինքն՝ գրոհային անօդաչու սարքը հետախուզական մեքենայի վերածելը։

Ավելացնենք նաև, որ «Starlink»-ի և տեղադրված տեսախցիկի շնորհիվ Ռուսաստանի Դաշնությունը կարող է օգտագործել «Շահեդ»-ը որպես ծայրահեղ հեռահար թափառող զինամթերք՝ լրացուցիչ հետախուզություն իրականացնելու և նույնիսկ շարժվող թիրախներ ներգրավելու ունակությամբ»,- նշում է հրատարակությունը։