ԱՄՆ–ն որևէ կերպ չի աջակցում Իսրայելին Լիբանանի դեմ գործողություններում. Պենտագոն
Ամերիկացի զինվորականները Իսրայելին աջակցություն չեն ցուցաբերում Լիբանանի տարածքի ուղղությամբ հարվածների համար: ԱՄՆ–ն հրեական պետությանը այդ նպատակով հետախուզական տվյալներ չի տրամադրում: Նման հայտարարությամբ հանդես է եկել Պենտագոնի մամուլի քարտուղար Սաբրինա Սինգհը:
«Ինչ վերաբերում է Լիբանանին, ԱՄՆ զինվորականները որևէ կերպ չեն մասնակցում իսրայելական գործողություններին»,– վստահեցրել է նա:
Լրագրողների հարցին, թե արդյոք ԱՄՆ–ն Իսրայելին ցուցաբերում է որևէ օժանդակություն Լիբանանի դեմ գործողության համար, նա պատասխանել է. «Ոչ, ոչ մի աջակցություն»: Սինգհը հստակեցրել է, որ դա վերաբերում է նաև հրեական պետությանը հետախուզական տվյալների տրամադրման տեսքով օժանդակության բացակայությանը:
