Լիբանանի առողջապահության նախարարությունը հայտնել է, որ Լիբանանի հարավում իսրայելական հարվածների հետևանքով զոհերի թիվը օրվա սկզբից հասել է 274-ի, հաղորդում են մերձավորարևելյան լրատվամիջոցները:

Գերատեսչության տվյալներով՝ զոհվածների թվում կա 21 երեխա և 39 կին։ Առողջապահության նախարարությունը հայտնել է, որ իսրայելական հարվածները հասցվել են «փախչել փորձող մարդկանց տներին, բժշկական հաստատություններին, շտապօգնության մեքենաներին և ավտոմեքենաներին»։ 

Ավելի քան հազար մարդ վիրավորվել է։

Ավելի վաղ հաղորդվել էր, որ Լիբանանին Իսրայելի հարվածների հետևանքով զոհվել է 182, վիրավորվել՝ 727 մարդ։