Ուկրաինայի ՊՆ-ից ասել են՝ որքան են կազմում ռազմական կարիքների համար ծախսերը

Ուկրաինայի ռազմական կարիքների համար ծախսերը կազմում են ավելի քան 150 մլրդ դոլար, սակայն այդ գումարը Կիևին բավարար չէ, հայտարարել է երկրի պաշտպանության նախարար Ռուստեմ Ումերովը: Տեղեկատվությունը փոխանցում է ՏԱՍՍ-ը:

«Մենք ծախսում ենք 150+ միլիարդ դոլար, որը գալիս է գործընկերներից և մեր բյուջեից, այսինքն՝ ավելի շատ փող է անհրաժեշտ, այդ ժամանակ մեր հնարավորությունները շատ կաճեն։ Մեզ ներդրումներ են պետք», - ասել է նա։

Նախարարը չմանրամասնեց, թե կոնկրետ որ ժամանակահատվածում է ծախսվում նշված գումարը։

Ավելի վաղ Ուկրաինայի նախագահ Վլադիմիր Զելենսկին օրենք էր ստորագրել 2024 թվականին ռազմական կարիքների համար լրացուցիչ ավելի քան 12 միլիարդ դոլար հատկացնելու մասին։