ՏԵՍԱՆՅՈւԹ. Ինչպես վերացան Մոսկովյան փողոցի կանգառները. քաղաքապետարանի լուծումը
Օգոստոսի 31-ից Իսահակյան և Մոսկովյան փողոցներում՝ Նալբանդյան փողոցից Մաշտոցի պողոտա, Իսահակյան փողոցում՝ Նալբանդյան փողոցից դեպի Մաշտոցի պողոտա ուղղությամբ, իսկ Մոսկովյան փողոցում՝ Մաշտոցի պողոտայից դեպի Նալբանդյան փողոց ընկած ճանապարհահատվածներում երթևեկությունն արդեն միակողմանի է։
Երևանի քաղաքապետարանի` երթևեկության ծանրաբեռնվածությունը թեթևացնելուն միտված այս որոշումը խնդիրներ է առաջացրել հատկապես Մոսկովյան և մոտակա այլ փողոցներում բնակակվող և այդ տարածքում գտնվող հաստատությունից օգտվող քաղաքացիների շրջանում:
Մասնավորապես, Մոսկովյան փողոցով ամտոմեքենաների և քաղաքային տրանսպորտի հոսքն այժմ միակողմանի շարժվում է դեպի Երիտասարդական մետրո: Քաղաքային տրանսպորտի համար նախատեսված առանձին հատվածը չգիտես ինչու գտնվում է փողոցի ձախ հատվածում: Արդյունքում, Մոսկովյան փողոցում ուղևորների ելքը տրասպորտից` կանգառ անհնարին է դարձել:
Այս խնդիրը քաղաքապետարանը լուծել է թերևս ամենահեշտ եղանակով` ուղղակի վերացնելով Մոսկովյան փողոցում` Խորեոգրաֆիայի պետական թատրոնի դիմաց գտնվող կանգառները: Այժմ քաղաքային տրանսպորտը Կոնսերվատորիայի մոտ գտնվող կանգառից միանգամից գնում է մինչև Երիտասարդական մետրոյի մոտ տեղակայված կանգառ:
Երևանի Քաղաքապետարանի կողմից տրանսպորտի վերաբերյալ այս լուծումը դժվարացրել է քաղաքացիների տեղաշարժը, որոնք զրկվել են կանգառներից: Auroranews-ն Երևանի քաղաքապետարանից ականկալում է պարզաբանում այս խնդրի շուրջ: Հայաստանում, որտեղ երևեկությունը աջակողմյան է, տրանսորտի համար ճանապարհի ձախ կողմում երևեկելի հատված տրամադրելը անհասկանալի և ինչ-որ տեղ նաև անտրամաբանական է թվում:
