Հայաստանում նոր բջջային հավելվածը արդեն դժվարություններ է առաջացնում. տաքսու վարորդները ահազանգում են

Տաքսու վարորդները ահազանգում են, որ օրինակ ՀԴՄ էլէկտրոնային համակարգի MyTAX բջջային հավելվածը App Store-ով հնարավոր է ներբեռնել, իսկ Google Play-ով դեռ ոչ:

ՊԵԿ-ից Auroranews-ին փոխանցեցին, որ անհատ վարորդների համար այլ ընթացակարգ է, բոլոր այն վարորդներն ովքեր տաքսի ծառայություն են մատուցում անհատապես, ՊԵԿ համակարգին միանալու եւ էլեկտրոնային ՀԴՄ գեներացնելու համար պետք է ինքնուրույն ներբեռնեն My Tax բջջային հավելվածն ու քայլերը կատարեն հերթականությամբ։ ՊԵԿ-ից տեղեկացնում են, որ iOS օպերացիոն համակարգերի համար հավելվածն արդեն հասանելի է App Store -ում, իսկ Androidi համար՝ սպասում են հաստատման Google ընկերության կողմից։

Ուղղակի պետք է հետեւել, հենց լինի ներբեռնել: Ինչ վերաբերում է տուգանքներին, ապա այս պահին դրա մասին չենք խոսում: Ամբողջ տեխնիկական մասը լիարժեք կաշխատի, այնուհետեւ տուգանքների հետ կապված պարզաբանում կլինի: