Լեհաստանը ռուսական հեռահար ավիացիայի ակտիվության պատճառով երկրի հարավ-արևելյան մասում առավոտյան կործանիչներ է բարձրացրել՝ երկրի օդային տարածքի անվտանգությունն ապահովելու համար. այս մասին ասվում է Լեհաստանի զինված ուժերի օպերատիվ հրամանատարության հայտարարության մեջ։

Հրամանատարությունը նախազգուշացրել է, որ Լեհաստանի հարավ-արևելյան մասում կարող է նկատվել աղմուկի բարձր մակարդակ՝ «կապված լեհական և միութենական ռազմական ավիացիայի՝ երկրի օդային տարածքում գործողությունների հետ»։