Ամսից ավելի է՝ Աճառյան փողոցում խրամուղիները քանդված են, պատճառը ո՞րն է. Ավինյան

Աճառյան փողոցում բավական տևական ժամանակ է, ինչ խրամուղիները քանդված են, պատճառը ո՞րն է։ Այս մասին Երևանի քաղաքապետարանի հերթական գործակարգավորական խորհրդակցության ժամանակ հայտարարել է քաղաքապետ Տիգրան Ավինյանը:

Նշվել է, որ խրամուղիներում տեղի է ունեցել վթար, քանդել են, որպեսզի օպտիկամանրաթելային մալուխները նորից անցկացնեն, հետո փակեն:

Ավինյանը նկատեց, որ արդեն մեկ ամսից ավելի է, որ այդ վիճակն է. «Խնդրում եմ, որ հնարավորինս ավելի ուշադրություն դարձնենք, երկար չենք կարող թողնել այդպես քանդված: Կահավորված է, լավ է, բայց, ամեն դեպքում, չպետք է այդքան երկար մնա»,-ասաց նա: