Գերմանիայի Զոլինգեն (Հյուսիսային Ռեյն-Վեստֆալիա) քաղաքի 650-ամյակի տոնակատարության ժամանակ անհայտ անձը դանակով հարձակվել է մարդկանց վրա, առնվազն երեք մարդ է սպանվել, գրում է Solinger Tageblatt-ը։

Եվս չորսը վիրավորվել են, նրանցից երեքի վիճակը ծանր է, հրապարակմանը հայտնել են աղբյուրները։ Տոնի կազմակերպիչներից մեկի՝ Ֆիլիպ Մյուլերի խոսքով՝ տուժել է ինը մարդ։

Հարձակումը տեղի է ունեցել քաղաքի կենտրոնում գտնվող Ֆրոնհոֆ շրջանում։ Տոնակատարությունն ընդհատվել է, և ոստիկանները խնդրել են մարդկանց լքել տարածքը: Քաղաքի կենտրոնը շրջափակված է:

Ինչպես պարզաբանում է Bild-ը, հարձակումը տեղի է ունեցել 21:45-ի սահմաններում: Ըստ ականատեսների՝ հարձակվողը, ով «արաբի տեսք ուներ», փախել է։