ՏԵՍԱՆՅՈՒԹ. Խողովակաշարի պայթյուն նավթագործարանում, տուժածներ կան. ՌԴ
Ստերլիտամակի (Բաշկորտոստան) նավթաքիմիական գործարանում հրդեհի բռնկմամբ պայթյուն է գրանցվել, երեք մարդ է տուժել։ Տեղեկությունը հայտնում է ՌԻԱ Նովոստին` հղում անելով քաղաքապետարանին։
«Տեղում աշխատում են մարզային և քաղաքային փրկարարները, ձեռնարկության և քաղաքապետարանի աշխատակիցները», – ասել են վարչակազմում։
Ինչպես հայտնել է մարզի ԱԻՆ–ը, նախնական վարկածով` գազատարի օդային գծում ապահերմետիզացում է տեղի ունեցել, որը հանգեցրել է հեղուկ գազի այրման։
Հրդեհաշիջման աշխատանքներին 20 մասնագետ և 6 միավոր տեխնիկա է ներգրավված։
