Ի՞նչ վիճակ է Նուբարաշենի աղբավայրում. ՆԳՆ ՓԾ-ից մանրամասնում են

Օգոստոսի 12-ից 16-ը ժամը 09։00-ի դրությամբ հրդեհաշիջման աշխատանքներին ներգրավվել են ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից՝ 25 մարտական հաշվարկ և Հրդեհաշիջման և փրկարարական աշխատանքների կազմակերպման բաժնի հերթապահ խմբերը (5)։ Դեպքի վայրում աշխատել է 129 փրկարարական ծառայող։ Այս մասին Auroranews-ին հայտնեցին ՆԳՆ ՓԾ-ից:

Օգոստոսի 16-ի ժամը 09։00-ի դրությամբ աղբավայրի 3 հա մակերեսից՝ 1․5 հա տարածքում հրդեհը մեկուսացված է և հողալցված, մյուս 1․5 հա հատվածում կան ծխացող օջախներ, հրդեհաշիջման և հողալցման աշխատանքները շարունակվում են։

Օգոստոսի 12-ին ժ.19:18-ից «Նոր աղբավայրեր» ՓԲԸ-ից տեղեկատվություն է ստացվել, որ Նուբարաշենի աղբավայրում հրդեհ է բռնկվել: Դեպքի վայր մեկնած հրշեջ-փրկարարները պարզել են, որ մոտ 3 հա մակերեսով աղբավայրի տարածքում այրվում է աղբ։

Հրդեհաշիջման աշխատանքներ են իրականացվել տնտեսական աղբի (3 հա) տարածքում, որի ընթացքում ՆԳՆ ՓԾ ստորաբաժանումների կողմից օգտագործվել է 376 տոննա ջուր։