Սպառնալիք է ոչ միայն Կուրսկի ԱԷԿ-ի, այլև ամբողջ համաշխարհային ատոմային էներգետիկայի համար․ «Ռոսատոմ»
Ուկրաինայի Զինված ուժերի գործողություններն ուղղակի սպառնալիք են ստեղծում ոչ միայն Կուրսկի ԱԷԿ-ի, այլև ամբողջ համաշխարհային ատոմային էներգետիկայի համար։ Այս մասին հայտարարել է «Ռոսատոմի» գլխավոր տնօրեն Ալեքսեյ Լիխաչովը ատոմային Էներգիայի միջազգային գործակալության (ՄԱԳԱՏԷ) ղեկավար Ռաֆայել Գրոսիի հետ զրույցում:
«Օգոստոսի 8-ին ԱԷԿ-ի տարածքում խոցված հրթիռների մասեր և բեկորներ են հայտնաբերվել, այդ թվում՝ ռադիոակտիվ թափոնների վերամշակման համալիրի տարածքում։ Կիևի ռեժիմի գործողություններով օգոստոսի 9-ի երեկոյան շարքից հանվել է տրանսֆորմատորային ենթակայանը, ինչի պատճառով Կուրսկի ԱԷԿ-ին ամենամոտ Կուրչատով քաղաքը մնացել է առանց էլեկտրականության»,- ասված է հաղորդագրությունում:
