ՏԵՍԱՆՅՈՒԹ․ ՌԴ ՊՆ-ն կադրեր է հրապարակել՝ ինչպես է Կուրսկի մարզ ռազմական տեխնիկա տեղափոխվում

Ռուսաստանի պաշտպանության նախարարությունը կադրեր է հրապարակել, որոնցում երևում է, թե ինչպես են ՌԴ ԶՈւ ստորաբաժանումները տեղափոխվում Կուրսկի մարզ, որտեղ մարտական ակտիվ գործողություններ են ընթանում ուկրաինական կազմավորումների հետ։

Կուրսկի մարզ են ուղարկվել «Գրադ» ՀԿՌՀ-ներ, հրետանային զենքեր, տանկեր, ծանր թրթուրավոր տեխնիկա:

Հաղորդվում է, որ շարասյուների կազմում, որոնք շարժվում են դեպի առաջադրանքների կատարման շրջաններ, ԲՄ-21 «Գրադ» համազարկային կրակի ռեակտիվ համակարգեր են, քարշակվող հրետանային զենքեր, տանկեր, ծանր թրթուրավոր տեխնիկա, «Ուրալ» և «ԿամԱզ» ավտոմեքենաներ։

Նշենք, որ արդեն 4-րդ օրն է Ուկրաինան հարվածներ է հասցնում ՌԴ Կուրսկի մարզին։