ՏԵՍԱՆՅՈՒԹ․ Կոնստանտինովկայի սուպերմարկետին ռուսական զորքերի հարվածից կան զոհեր և տուժածներ․ Զելենսկի
Դոնեցկի մարզի Կոնստանտինովկայի սուպերմարկետին ռուսական զորքերի հարվածից զոհվել է առնվազն 4 մարդ, ևս 24-ը տուժել են։ Այս մասին հայտնել է Ուկրաինայի նախագահ Վլադիմիր Զելենսկին։
«Ռուս ահաբեկիչների հարվածը սովորական սուպերմարկետին և փոստին։ Փլատակների տակ են դեռ մարդիկ կան: Շարունակվում է փրկարարական գործողությունը, և ամեն ինչ արվելու է մարդկանց փրկելու համար։ Այս պահի դրությամբ հայտնի է 4 զոհի մասին։ Ցավակցում եմ հարազատներին և մտերիմներին: Առնվազն 24 մարդ վիրավորվել է»,-գրել է նա տելեգրամյան ալիքում ։
Ավելի վաղ հայտնել էինք, որ, ինչպես հայտնում են ուկրաինական լրատվամիջոցները, ռուսական զորքերը օգոստոսի 9-ի առավոտյան գնդակոծել են Դոնեցկի մարզի Կոնստանտինովկա քաղաքը, տեղում հրդեհ է բռնկվել: Հրապարակվել են նաև լուսանկարներ։
