ՏԵՍԱՆՅՈՒԹ. Ինչպես է տորնադոն օդանավակայանում ինքնաթիռներ շուռ տալիս. Թաթարստան
Թաթարստանի Տուկաևսկի շրջանում գտնվող Բեգիշևո օդանավակայանում տորնադո է առաջացել, որը շրջել է մի քանի ինքնաթիռ և վնասել օդանավակայանի տարածքում գտնվող շենքերը։ Այս մասին հայտնում է NTR 24 հեռուստաալիքը՝ ականատեսի վրա հղումով։
Նրա խոսքով՝ եղանակային վատ պայմանների հետեւանքով ուժեղ քամին շրջել է մի քանի ուսումնական ինքնաթիռ։ Պոկվել է նաև պահեստի և անգարի մետաղյա երեսպատումը, տապալվել են ծառեր, վնասվել է բետոնե ցանկապատի մի հատված։
Մինչ այս Ռուսաստանի հիդրոօդերեւութաբանության կենտրոնի գիտական տնօրեն Ռոման Վիլֆանդը հայտնել էր, որ Ռուսաստանում տարեցտարի տորնադոների թիվը միայն կավելանա։ Փորձագետը հիշեցրել է, որ, ըստ «Ռոսհիդրոմետ»-ի, վերջին 25 տարիների ընթացքում երկրում նման բնական աղետների թիվը կրկնապատկվել է։
