![Զելենսկին ժամկետ է նշել, թե երբ կավարտվի պատերազմի «թեժ» փուլը](https://auroranews.am/storage/img/base_image/2024-07-19/669a559d8ac20.webp)
Զելենսկին ժամկետ է նշել, թե երբ կավարտվի պատերազմի «թեժ» փուլը
![Զելենսկին ժամկետ է նշել, թե երբ կավարտվի պատերազմի «թեժ» փուլը](https://auroranews.am/storage/img/base_image/2024-07-19/669a559d8ac20.webp)
Ուկրաինայի նախագահ Վլադիմիր Զելենսկին հայտարարել է, որ արևմտյան երկրների աջակցությամբ Ուկրաինան կարող է «փորձել ավարտին հասցնել պատերազմի թեժ փուլը մինչև այս տարվա վերջ»։ Այս մասին նա ասել է BBC-ին տված հարցազրույցում Մեծ Բրիտանիա կատարած այցի ժամանակ։
«Կարծում եմ, որ եթե մենք համահունչ գործենք և հետևենք Խաղաղության գագաթնաժողովի ձևաչափին, կարող ենք վերջ տալ պատերազմի թեժ փուլին։ Մենք կարող ենք փորձել դա անել մինչև այս տարվա վերջ»,- ասել է Զելենսկին։
Խաղաղության ծրագիրը պետք է ամբողջությամբ համաձայնեցվի Ուկրաինայի դաշնակիցների հետ, որպեսզի «ոչ ոք չփորձի վերարտադրել խաղը պատերազմի ավարտից հետո», – ընդգծել է Զելենսկին։
Պատերազմը կարող է ավարտվել բանակցությունների սեղանի շուրջ դիվանագիտական կարգավորմամբ, եթե արևմտյան երկրները ճնշում գործադրեն Մոսկվայի վրա, նշել է Ուկրաինայի նախագահը։
«Սա չի նշանակում, որ մենք պետք է մարտերում գրավենք բոլոր տարածքները։ Կարծում եմ, որ դրան կարելի է հասնել դիվանագիտական ճանապարհով», – ասել է նա՝ հավելելով, որ միևնույն ժամանակ մարտի դաշտում Ռուսաստանի թուլացումը Ուկրաինային ավելի ամուր դիրքեր կդնի բանակցությունների սեղանի շուրջ։
Մեծ Բրիտանիայից, ըստ Զելենսկու, Կիևը ցանկանում է թույլտվություն ստանալ՝ օգտագործելու Արևմուտքի մատակարարած զենքերը Ռուսաստանի տարածքը հարվածելու համար՝ առանց հեռահարության սահմանափակումների։