Քանյե Ուեսթը հրաժարվում է վճարել իր փաստաբանին
Ամերիկացի ռեփեր Քանյե Ուեսթի շահերը ինքնագրեր վաճառողի հետ ծեծկռտուքի գործով ներկայացնող փաստաբանը հրաժարվել է աշխատել արտիստի համար: Այս մասին գրում է Page Six-ը։
Ինչպես նշված է փաստաբան Բրայան Բրումֆիլդի միջնորդագրում, ռեփերը հրաժարվում է վճարել նրան կամ նույնիսկ խոսել նրա հետ հունիսի 21-ից։
Հունվարի 10-ին ինքնագրեր վաճառող Ջասթին Պոպլավսկու և նրա կնոջ՝ Թիֆանի Մարշալի կողմից ներկայացված հայցում Քանյեն մեղադրվում է Պոպլավսկու վրա հարձակվելու, ծեծի ենթարկելու և դիտավորյալ բարոյական վնաս պատճառելու մեջ: Տուժողը հայցում նաև պնդում է, որ իրեն նյութական վնաս է հասցվել:
Նախօրեին Ուեսթի անունը նշվել էր մեկ այլ դատական հայցում, որը ներկայացրել էր ռեփերի Yeezy ընկերության նախկին աշխատակիցը։ Հայցի հեղինակը պնդում է, որ ռեփերի նոր կինը՝ Բիանկա Սենսորին, անպարկեշտ նյութեր է ուղարկել աշխատակիցներին, իսկ աշխատավայրում կոպիտ ու ճնշող մթնոլորտ է եղել։
