Իսպանիայի հավաքականը երեխաների թիմ է․ Լեման
Գերմանիայի հավաքականի նախկին դարպասապահ Յենս Լեմանը Եվրո-2024-ի քառորդ եզրափակչի՝ վաղը՝ հուլիսի 5-ին կայանալիք դիմակայությունից առաջ, կիսվել է Իսպանիայի հավաքականի մասին իր մտքերով։
«Մենք տեսանք Իսպանիայի լավ արդյունքները խմբային փուլում: Տեխնիկական տեսանկյունից նրանք երևի մեզնից լավն են։ Բայց նրանք փոքր են ու անփորձ։ Սա երեխաների թիմ է: Նրանք շատ երիտասարդ խաղացողներ ունեն։ Նրանք միջազգային մրցաշարերում մեծ փորձ չունեն»,- Լեմանի խոսքերն է մեջբերում Goal-ը՝ վկայակոչելով Welt-ին:
