Գերմանիայում տեղակայված ամերիկյան զորքերին արգելվել է աշխատավայրից դուրս համազգեստ կրել

Գերմանիայում տեղակայված ամերիկյան զորքերին արգելվել է աշխատավայրից դուրս համազգեստ կրել: Այս մասին հայտնում է ԱՄՆ պաշտպանության նախարարության Stars and Stripes թերթը:

Նշվում է, որ որոշումն ընդունվել է անվտանգության նկատառումներից ելնելով։

Թերթի տեղեկություններով, Շպանգլադեն ավիաբազայի զինվորականներն այժմ պետք է այնտեղ մեկնեն քաղաքացիական հագուստով և ամենուր չեն կարող համազգեստ կրել։ Միևնույն ժամանակ այլ տեղեկություններ չեն հաղորդվում։

Ավելի վաղ հայտնել էինք, որ Եվրոպայում ԱՄՆ մի քանի ռազմակայաններ բերված են մարտական պատրաստականության բարձր աստիճանի՝ հնարավոր ահաբեկչական սպառնալիքի պատճառով: Անվտանգության մակարդակը բարձրացվել է երկրորդ ամենաբարձր մակարդակի, այն մտավախությունների ֆոնին, որ ահաբեկչական հարձակումը կարող է թիրախավորել ԱՄՆ ռազմական անձնակազմը կամ օբյեկտները: