Բելառուսը կարող է միջուկային զենք կիրառել իր ինքնիշխանությանը ուղղված սպառնալիքի դեպքում. Բելառուսի ԳՇ պետ

Բելառուսը կարող է միջուկային զենք կիրառել իր ինքնիշխանությանը ուղղված սպառնալիքի դեպքում: Այս մասին հայտարարել է երկրի Գլխավոր շտաբի պետ Պավել Մուրավեյկոն:

«Վերջին փաստարկներից և թեզիսներից մեկը, որոնք բերվում են որպես զսպող գործոն, ոչ ռազմավարական միջուկային զենքի վերադարձն է մեր երկրի տարածք: Մենք գիտենք այդ զենքի հետ վարվեցողությունը: Մենք կարողանում ենք այն վստահ կիրառել: Մենք ի վիճակի ենք դա անել: Եվ մենք կանենք, եթե մեր երկրի ինքնիշխանությանն ու անկախությանը սպառնալիքներ ստեղծվեն»,– ասել է Բելառուսի ԳՇ պետը կիրակի ОНТ հեռուստաալիքին տված հարցազրույցում:

Ավելի վաղ բելառուսական խորհրդարանում հայտնել էին, որ երկիրը միջուկային զենքը դիտարկում է որպես սեփական անվտանգության ապահովման միջոց:

Հունիսի 12-ին Բելառուսի զինված ուժերը սկսել են ոչ ռազմավարական միջուկային ուժերի հետ վարժանքների երկրորդ փուլը: